Joan zen asteburuan Itsasondoko Saria (2007-XII-29) eta Bermion Euskadiko Txapelketa (2007-XII-30) jokatu ziren ziklo-krosean. Esan behar da Itsasondoko zirkuitua oso gogorra zela, aldapa piko-piko bat baitzeukan lepoa luza-luza eginda igo beharrekoa itzuli bakoitzean. Bermioko proba, aldiz, ordekagoa zen, indarrekoa, gaur egungo ziklo-krosean nagusiki antolatzen direnetakoa.
Bietan hartu zuen parte Oier Iraolagoitiak, eta bietan laugarren postuan sailkatu zen. Beraz, zazpi laugarren postu pilatu ditu jada aurten. Denboraldi honetan daraman erregulartasunari esker Euskal Herriko selekziorako aukeratu dute eta hurrengo proban jada Euskadirekin lehiatuko da. 
Otzaka iraetar zarauztarra gogor dabilkigu ziklo-krosean. Hil honen 19an etxean (Iraetan) ikusteko aukera izango dugu, geronek antolatutako ziklo-kros proban.
Igor Arangurenek ere korritu zuen Itsasondon eta 15. sailkatu zen oso lasterketa ona egin ondoren. Jubeniletan ez dago txantxarik -beste mailetan ere ez-, baina kontuan izan behar da Igorrek lehenengo urtea duela maila horretan.
No hay comentarios:
Publicar un comentario