ARATZ BIGARREN AZPEITIAN

2013KO MARTXOAREN 9A

KADETEAK ERREPIDEAN

            Larunbat goizean, giro ederrarekin eta hego haize puntuarekin, ekin zioten gure txirrindulariak lehenengo benetako errepideko lasterketari.

            Irteeran 110 neska mutil baziren ere, Azpeitiatik Urrestilara joan eta etorri zirenerako, erdira jeitsi ziren karreran jarraitzen zutenak. Oso azkar ibili ziren lehenengo kilometroetan, denak gogo handiz eta behar bada urduritasunez, bakoitza zein mailatan dabilen jakin nahian.

            Zestoa, Iraeta eta Aizarnazabal pasa ondoren, Oikia aldera zihoazela hasi zen gauzatzen eguneko ihesaldia. Julen Umerez –Ulma- eta Aritz Kortabarria-Sumofic- izan ziren ihesaldia sortzen lehenak, ondoren Bedua inguruan gure taldeko Aratzek tropeletik irten eta bi hauekin bat egin zuen. Geroxeago Oier Ibarguren-Atracciones Sanz- Azpeitiarraren txanda izan zen aurrekoekin elkartuz, ordurako Aritz Kortabarriak ezin zuen hauen martxa jarraitu eta tropelera itzuli zen.

            Hirukoteak 40 segunduko tartea izatera iritsi zen nahiz eta Iraetako gainean 15 segundukoa bakarrik zen aldea.  

             Azkenean, 48 kilometroak gauzatu ondoren, larri larri baina hirukotea bakarrik iritxi zen Azpeitiako kaleetara eta esprintean Oier izan zen garaile eta Aratz bigarren.

            Tropela 10 segundutara heldu zen, Jokin eta Joseba bertan zetoztelarik.

SAILKAPENAK

1. Oier Ibarguren – Atracciones Sanz-     1:13:01

2. Aratz Olaizola – Zarauztarra-                  db

3. Julen Umerez – Ulma-                             4 seg

6. Jokin Aranburu – Zarauztarra-           9 seg

24. Joseba Uzkudun – Zarauztarra-        9 seg

TALDEKAKO SAILKAPENA

1. Atracciones Sanz           3:39:21

2. Zarauztarra                          db

3. Ulma                                  4 seg

Testua: Xabi Aranburu