EKAINAREN 16A
KADETEAK ERREPIDEAN
Zarauztarra
taldeko txirrindulariak nagusi izan ziren igande arratsaldean Oñatiko
errepideetan. Garaipena Jokinentzat, Aratz bigarren, tarteko helmuga
Jokinentzat eta hori gutxi balitz, taldekako saria Zarauztarrarentzat. Benetan
egun borobila izan zen.
Zarautzen
genuen brisarik ez zen Oñatin, 35º ko tenperatura eta errukirik gabeko eguzkia
zeruan. Ia ehun txirrindulari irteeran 58km zituen ibilbide aldapatsu bat
osatzeko prest, Udanako mendatea zuten gainditu beharra bi aldetatik, Oñatitik
eta Legazpitik.
Hasieran,
Arrasatera bidean, gero zetorkiena ikusiaz edo, patxadaz joan ziren. Oñatira
bueltan, tarteko helmuga, zertxobait aurreratuta zeuden sei txirrindindularien
artean jokatu zuten eta Jokin izan zen lehena.
Udanako
lehen maldetara iristerako, laukote bat osatu zen tropelaren aurretik,
pixkanaka pixkanaka tartea handituz joan zirelarik. Mendatearen gainetik 50
segunduko aldearekin pasa ziren, tropelean zarauztarrak zihoaztelarik.
Legazpira
jeitsi eta ondoren berriz Udanako gainera joaterakoan, Jokinek tropeletik salto
egin eta ihesaldiko taldetik gelditzen ziren biekin bat egin zuen, hirukotea
osatuz: Oier Ibarguren (Atracciones Sanz), Mikel Paredes (Inoxcra) eta Jokin
Aranburu (Zarauztarra). Udanako gainetik Aratzekiko 30 segunduko aldearekin
pasa ziren eta 40 segundu tropelarekiko.
Helmugarako
sei km falta zirenean, eta ihesaldiko lagunak erreleboak emateko asmo handirik
ez zutela ikustean, Jokinek aurrera egiteko apustua egin zuen eta oraingo
honetan ondo atera zitzaion, edozein txirrindulari gaztek izan dezakeen ametsa
gauzatuz, eskuak altxatuz bakarrik iristea helmugara.
Festa
hasi besterik ez zen egin. Ondoren, atzetik aurrera etorriaz, eta sprintean
Oier gaindituaz, Aratz Olaizola izan zen bigarren. Azkenik, Joseba Uzkudun,
esfortsu handia eginaz lasterketa osoan, tropelaren parean iristea lortu zuen,
Zarauztarra taldeko hirugarren txirrindulariaren denbora markatuz eta hala,
taldekako saria irabaziz.
Hau
ez da oparia izan, hau urte guztian zehar egindako entrenamentu eta
sakrifizioen ondorioz lortutako saria baizik.
SAILKAPENA
1.
Jokin Aranburu – Zarauztarra-
1:30:07
2.
Aratz Olaizola – Zarauztarra-
57 seg
3. Oier Ibarguren – Atracciones Sanz- db
40.
Joseba Uzkudun – Zarauztarra-
3min 15 seg
MENDIKO
SARIA
1. Carlos Ruiz – Erro y Eugui-
TARTEKO
HELMUGA
1.
Jokin Aranburu – Zarauztarra-
TALDEKAKO
SAILKAPENA
1.
Zarauztarra
No hay comentarios:
Publicar un comentario