martes, 30 de abril de 2013

ARATZ BIGARREN DEBAN

 2013KO APIRILAREN 28A


KADETEK ERREPIDEAN

            
            Goiza, benetan hotza zen  Deban. Lasterketa hasi aurretik euria ere bai. Txirrindulariak bustita, errepidea ere bai, jardunaldi gogorra auerreikusten zen, eta ala izan zen. Irteeran 130 gazte, gipuzkoarrez gain, bizkaitarrak eta iparraldekoak ere baziren. Zarauztarra taldeko Aratz Olaizola eta Joseba Uzkudun ziren bertan, azken hau dardarka hotzez. epaileak txistua jo zain, pedalei eragiterakoan berotzeko esperantzarekin. Jokin Aranburu etxean geratu zen sukarra zuela eta.
            Aurretik 52 kilometroko ibilbidea, Bergara joan eta etorri. Irten eta berehala ihesaldi ahaleginak izan ziren eta Elgoibar parean hasi zen gauzatzen, eguneko ihesaldia izango zena. Bederatzi mutilek osatu zuten taldea: Aratz Olaizola-Zarauztarra-, Oier Ibarguren-Atracciones Sanz-, Julen Umerez-Ulma-, Euken Gallego-Allerru-, Baptiste Lapoublade-Aviron-, Jokin Alberdi eta Peio Manterola-Andoaingo-, Aritz Kortabarria-Sumofic-eta Asier Arozena-Limousin-.

          
             Asteburuero aurrean ibiltzen diren txirrindulariak ziren ihesaldia osatzen zutenak, ondorioz, pentsatzekoa zen helmugara iritsiko zirela. Hasieran 20 segundu, gero 30 ...eta honela minutua lortu arte.
            Garaipena, bederatzirak esprintean jokatuko zutela argi ikusten zen eta horrela gertatu zen. Aratz zirudien garaile, baina azken metrotan, Oier Ibargurenek pasa zuen eta bigarren postuarekin konformatu behar izan zuen.


           
            Joseba bere aldetik tropelean joan zen. Soraluzeko gainean, bueltan zetoztenean, beste txirrindulari batekin katiatu eta lurrera erori zen. Nahiz eta lehen bait lehen zutitu, tartetxoa galdu zuen tropelarekiko, baina gogo handiz saiatu zen eta bat egin zuen talde nagusiarekin Elgoibarrera iritsi aurretik. Guztira 77 txirrindulari helmugaratu ziren.

            
           Datorren igandean, Maiatzaren 5ean, Atarrabian, Gaztetxoak torneoko 2. jardunaldia lehiatuko dute.Aratz, Zarautzen eskuratutako liderraren mailota mantententzen saiatuko da. Aurrez, ostiral eta larunbatean, Jokin eta Aratz, Altsasun elkartzera deituak izan dira, errepideko Euskadiko hautatzailearengandik. Bertan, teknifikazio hitzaldi batzuk izango dituzte.

SAILKAPENA

1. Oier Ibarguren – Atracciones Sanz-         1:19:24
2. Aratz Olaizola – Zarauztarra-                   db
3. Julen Umerez – Ulma-                                  db
41. Joseba Uzkudun –Zarauztarra-       1min 29seg

TALDEKAKO SAILKAPENA

1. Andoaingo

domingo, 28 de abril de 2013

Gipuzkoako klasikan Euskadi garaile


Gipuzkoako XIX Klasika Donostiako Egian ospatu da aurten. 19 selekzio eta 17 talde aritu ziren, guztira 189 txirrindulariko taldea osatuz. Ibilbidea 114 km.takoa zen; Donostian bertan sei itzuli txiki egin eta gero Astigarraga aldera abiatu ziren, hortik Oiartzuna bitartean beste hiru itzuli egin Perurenako gaianetik barrena, eta Egiara berriz itzuliaz amaitzeko.

lunes, 22 de abril de 2013

EIBARREN TROPELETIK TIRAKA

2013KO APIRILAREN 21A


KADETEAK ERREPIDEAN

            Bigarren aldiz aurten, Eibarren izan zen gure txirrindulari kadeteen lasterketa. Giro freskoa baina eguzkitsuarekin irten ziren 124 neska mutilak, guztira 63 km egiteko asmoarekin. Nafarroako hiru bat talde ere izan ziren bertan.
            Irteera, beti bezala, oso bizia ete urduria izan zen. Elgoibarrera joan eta etortzerako tropeleko erdiak atzean gelditu eta kanporatuak izan ziren.

           
              Maltzagako bidegurutzea pasa eta Oñatirainoko bidea hartu zuten. Jokin eta Aratz ahalegindu ziren ihesten baina motzean lotzen zituzten. Saiakera asko izan ziren baina zaila zen alde egitea.

            
             San Prudentzio inguruan bi txirrindularik tartetxoa lortu zuten baina gure txirrindularien lanari esker Oñatira iristerako harrapatu zituzten. Momentu hortan, bost txirrindularik osatutako taldeak eguneko ihesaldia gauzatu zuen. Unai Orbea-A.Sanz-, Mikel Sarasola-Grossgreencenter-, Mikel Salaberria-Goifiber Godoy-, Carlos Ruiz-C.Erro y Eugui- eta Julen Umerez-Ulma- ziren bostekoa osatzen zutenak.
            Hemendik Eibarrerainoko bidean, ihesaldia eta tropelaren arteko borroka izan zen. Tropelean, zarauztarrak, naparrak eta besteren bat tiraka zirelarik, tartea hogei segunduraino jeistea lortu zuten baina ez ordea bostekoa harrapatzea. Soraluze parean, berrogei segunduko tartearekin, garbi geratu zen aurrekoak helmugara iritxiko zirela.

           
            Ihesaldian zihoan Mikel Salaberriak irabazi zuen. Zarauztarrak, nahiz eta tropelean tiraka denbora asko jardun, indarrez ondo iritxi ziren eta bostekoaren ondoren lehenengo postuak lortu zituzten.
           
            Josebak, gaixoaldia gaindituta, parte hartzera animatu zen. Oso ondo jarraitu zuen tropelaren abiada 50. kilometrorarte. Ondoren, nekea gailendu zitzaion eta ezin izan zuen besteekin batera proba bukatzerik izan. Zihur gaude, datorren astean Deban izango den lasterketarako benetan osaturik izango dugula.

SAILKAPENAK

1. Mikel Salaberria   Goifiber Godoy           1:33:40
2. Unai Orbea   Atracciones Sanz                        db
3. Carlos Ruiz   C. Erro y Eugui                          db
6. Aratz Olaizola   Zarauztarra                   50 seg
8. Jokin Aranburu   Zarauztarra                50 seg

TALDEKAKO SAILKAPENA

1. Atracciones Sanz    




martes, 16 de abril de 2013

ARATZ GARAILE ZARAUZKO SARIAN, JOKIN BIGARREN

2013KO  APIRILAREN  14A

KADETEAK  ERREPIDEAN

           
             Egun borobila izan zen igandekoa. Zarautzen ospatu zen 2. urteko kadete mailako Gaztetxoak sariko lehenengo jardunaldia. Gipuzkoa, Bizkaia, Araba eta Nafarroako 114 txirrindulari elkartu ziren Azken Portuko irteeran. Eguraldia ederra eta giroa ezin hobea, bai hasieran, bai bukaeran eta zer esanik ez Meagaseko mendatean.
             Goizeko 10:00 etan hasi ziren pedalei biraka eta ordu eta erdi nahikoak izan ziren ibilbideko 57 km betetzeko,  40 km orduko inguruko batez bestekoa lortuz. Honek esan nahi du ziztu bizian ibili zirela.
            Parrokiaren aurretik igarotzean, lehenengo itzulia bete ondoren, lau txirrindulariz osatutako taldetxo bat zihoan ihesita, segundu batzuen aldearekin. Hauen artean, Oier Ibarguren azpeitiarra eta Meagasen gainetik lehen pasako zen Unai Cuadrado bizkaitarra.
            Oikia aldera jeisterakoan, tropelak ihesaldia irentsi zuen, eta hemendik aurrera ez zen batere erraza izango taldeari abantaila handirik ateratzea.
            Zarautzera iristean, talde nagusia bat eginda zetorrela, gure taldeko Jokin Aranburu eta Aratz Olaizola izan ziren gidariak, helmugako pankarta ikusi arte. Bi zarauztarren arteko esprint estuak erabakiko zuen garailea nor izan. Aratz izan zen helmugako marra zeharkatu zuen lehena, Jokin bigarren izanik.

           
            Hirugarren taldekide bat izan zuen Zarauztarrak, Xuban Aizpurua. BTT ko probatan aritzen da nagusiki baina ilusio handiz ekin zion herriko karrera honi. Ibilbidearen erdia ondo joan zen baina ondoren atzera gelditu eta kanporatua izan zen.65 txirrindulari bakarrik iritsi ziren helmugara. Joseba Uzkudunek ez zuen parte hartu, oraindik gaixoalditik ez delako guztiz errekuperatu.

           
             Zarauztarra txirrindulari elkartetik eskerrik beroenak eman nahi dizkiegu, hainbat bidegurutzetan izan diren pertsonei eta laguntzaile guztiei, haiek gabe ez bait litzake posible izango honelako lasterketa bat antolatzea.

SAILKAPENAK

1. Aratz Olaizola -Zarauztarra-                 1:27:15
2. Jokin Aranburu –Zarauztarra-                 db
3. Boris Campoo – Buruntzazpi-                       db

MENDIKO SAILKAPENA

1.Unai Cuadrado –Zirauna Iturribero-

TALDEKAKO SAILKAPENA

1. Inoxcra Beasain

domingo, 14 de abril de 2013

Juniorrak pixkanaka aurrera


Hasi dira juniorrak ere asma eta gaixoaldiak alde batera utzi,  lasterketako erritmoa hartu, karrera guziek amaitu eta taldeka ere puntuatuaz. Euskalerria Torneoko bi lasterketetan lehiatu berri dira, lehena Agurainen, Araban, eta bigarrena Beran, Nafarroan, eta larunbat honetan Deban izan dira.

miércoles, 10 de abril de 2013

Apirilak, 14 Igandea, Zarautzen, 2. urteko kadete mailako lasterketa

Datorren igandean, hilak 14, goizeko 10:00tan, Gaztetxoak torneoko lasterketa antolatu dugu Zarauztarrakoak.

Eguraldi ona eskatu dugu, beraz, txirrindularitzaz eta inguruaz gozatzeko aukera paregabea.

Irtera, AZKEN PORTU auzoan, Araba Kalean. Ikus planoa.

Ongi etorri denori.

martes, 9 de abril de 2013

ARATZ 4. ELGOIBARREN, KANPOTARRAK PODIUMEAN

2013KO APIRILAREN 7A

KADETEAK ERREPIDEAN

            Maila honetan asteburuero, ehun bat lagun iha denak gipuzkoarrak izaten dira elkartzen direnak elkarren artean lehiatzeko. Oraingo honetan 171 txirrindularik eman zuten izena Elgoibarko irteeran. Bizkaia, Araba eta baita Cantabriatik etorritako neska mutilek osatzen zuten halako zerrenda luzea.