Infantil eta alebinak Zarautzen eta Euskadiko txapelketan

  

Maiatzak 24ean, pasa den larunbatean, etxean, Zarautzen, jokatu zen lasterketa. Arratsaldeko 16:30tan alebinen lasterketarekin eman zion hasiera. Hauek, 6 itzuli eman zizkieten ibilbideari. Nesken podiuma honako hau izan zen: Nagore Lizarraga (Irunes), Irati Arteaga (Hernani) eta Naiara Blanco (Irunes) eta mutilena berriz, Beñat Carballeda, Iñaki Errazkin eta Asier Pozo, hirurak Buruntzazpi taldekoak.  

Alebinen ostean, infantilen txanda iritsi zen. 13 itzuli zituzten gazteak. Hasieratik eguneko ihesaldia sortu zen. Adrian Sorreluz Solorzano (Zarauztarra) eta Yeray Jimenez (Irunes) bikotea osatutakoa. Zarauztarra Txirrindulari Kirol Elkarteko txirrindulariak lan bikaina egin zuten pelotoia kontrolatuz. Garaipena esprinean erabaki zen. Sorreluzek eraman zuen garaipena, urteko bigarrena hain zuzen ere. 

Haritz Erasun Etxaniz laugarrena helmugaratu zen. Taldeko hurrena, Mikel Uriarte Fernandez izan zen, 14garrena. Unai Uzkudun Zubeldia 16. postuan iritsi zen eta Iñigo Eizagirre Mujika hemezortzigarren. Infantilen podiuma honakoa izan zen: nesken aldetik, Ekhine Rivas (Allerru), Naia Urbieta (Zumaiako) eta Haizea Tizón (Irunes); eta mutilena, Adrian Sorreluz (Zarauztarra), Yeray Jimenez (Irunes) eta Beñat Felipe (Allerru).

Maiatzak 25, igandea, goizeko 10:00etan hasita, Euskadiko Txapelketa izan zuten gazteek Gasteizeko Gamarra parkean. Haritz Erasun Etxaniz, Adrian Sorreluz Solorzano, Iñigo Eizagirre Mujika eta Unai Uzkudun Zubeldia joan ziren ekitaldi zoragarri honetara. Izen-emateak egin ostean eta txirrinduak legea betetzen zutela begiratzean, lasterketa hasi zen. 

Ez zen lasaia izan. Erritmo bizia eraman zuten txirrindulari gazteak nahiz eta eraso asko egon lasterketa osoan zehar. 15 bat kilometroko lasterketa izan zen. Gerturatutakoak sekulako esprinta bizi izan zuten. Zarauztarra Txirrindulari Kirol Taldeko Erasunek, bigarren postuan amaitu zuen. Beraz, Gipuzkoako Txapelduna eta Euskadiko Txapeldunordea dugu zarauztarra. Sorreluz hogeitabatgarrena sailkatu zen. Eizagirre hogeitazortzigarrena eta Uzkudun hogeitahamaikagarrena. Lasterketa amaitzean, gymkanaren ordua iritsi zen. Ez zuten nahi esperoko lana egin. Taldeko abilena Eizagirre izan zen Uzkudun bertan zuelarik. Sorreluzek eta Erasunek, urduritasunak medio, ez zuten beraien maila ona erakutsi.

KADETEAK: Alex Garcia (39). Ander Zumeta (46). Beñat Arana (52).

HURRENGO ASTEBUKAERA: 

INFANTILAK: 2014/05/31. 16:30. Lasarte. Zirkuitoa.

KADETEAK: 2014/05/31. 11:00. Erlojupeko Gipuzkoako Txapelketa. 24,7km.

JUNIORRAK: 2014/05/31. 09:30. Alegia. Erlojupeko Gipuzkoako Txapelketa. 34,5km.

JUNIORRAK: 2014/06/01. 10:00. Anoeta. 89km

ARATZ OLAIZOLA 4. SEGURAKO KARRERAN

2014KO MAIATZAREN 18A

JUNIORRAK ERREPIDEAN

                Giro ederra eta beroa izan zuten Seguran elkartu ziren 86 txirrindulariak. Gipuzkoako mutilez gain, Bizkaia, Araba eta Iparraldetik etorritako talde bana izan ziren irteeran, 80 km zituen ibilbidea osatzeko prest. Lierniako gaina hiru aldiz gainditu beharrak eta bero handiak, asko gogortu zuen lasterketa.

             

              Lehen kilometroetan hasi zen ihesaldia gauzatzen. Oier Ibarguren (Atracciones Sanz) izan zen protagonista nagusia. Hasieran beste txirrindulari batzuekin batera ibili zen aurrealdean, pixkanaka lagunak galtzen joan zelarik bakarrik gelditu arte. Lierniako hirugarren igoaldia hasterako, 30 segundokoa zen abantaila, atzetik segika zuen zazpikotearekiko, Aratz Olaizola zarauztarra bertan zelarik. Atzerago, Jokin Aranburu beste talde batean zihoan eta tropelean  Joseba Uzkudun aiarra zetorren.

               

            Lierniako gainera iristerako amaitu zen Oierren ihesaldia, eta indarrez hoberen zeuden lau edo bost txirrindularien artean jokatu zuten garailea nor izan. Segurako helmugan, Dani Mayora (Ampo) izan zen lehena, Aratz Olaizola laugarren iritsi zelarik. Jokin Aranburu 17. heldu zen eta Joseba Uzkudun 32. Kepa Iribarrek ere parte hartu zuen karreran baina ez zuen ibilbide osoa amaitzea lortu.

Jokin Aranburu Palma de Mallorcan

                Valenciako belodromoan proba batzuk egin ondoren eta lortutako denbora onen ondorioz, Espainiako pistako hautatzaileak deituta, Zarauztarra taldeko Jokin Aranburu, aste betez Palma de Mallorcan izan da. Helburua, Europako pista txapelketarako prestaketa entrenamenduak gauzatzea izan da. Esperientzi aberasgarria izan dela aipatzen du zarauztar gazteak eta ekainean itzuli beharko duela Palma Arenako belodromora prestaketekin jarraitzeko. Hurrengo deialdian, Aratz Olaizolak ere esperientzi berria probatzeko aukera izango du.

Haritz Erasun , Gipuzkoako Errepideko Txapelketan garaile

 Jada ohituak gaitu aurten  Haritzek,  podiumeko postuetan bera ikustera eta horrelaxe izan da oraingoan ere.

Larunbatean, maiatzak 10, Tolosan antolatu zen Gipuzkoako Errepideko Txapelketa  eta bertan nagusitu zen infantilen kategorian gure taldeko Haritz Erasun.

Zorionak eta animo datorren larunbatean, hilak 17, Irunen izango duten Taldekako Erlojuopeko Txapelketarako.  

Zorte ona izan dezazutela!