Ostiralean, abuztuaren 1ean, Bizkaiko Berrizko
Marino Lejarreta belodromoan, junior eta eliteko Euskadiko Pista Txapelketa
lehiatu zuten. Zarauztarra txirrindulari taldeko Jokin Aranburuk eta Aratz
Olaizolak, Gipuzkoako selekzioarekin hartu zuten parte txapelketa honetan.
Gipuzkoako taldeaz gain, Bizkaiko eta Nafarroako txirrindulariak izan ziren
bertan.
Bost
proba lehiatu behar izan zituzten. Bakarka: 200 metro, 1 kilometro eta banakako
jazarpena (3Km) . Tropelean: puntuaketa
eta scratcha. Txapelketa omnium
modalitatean erabakiko zen, hau da, proba guztien emaitzak kontuan hartuta.
Berrizko
belodromoa estali gabekoa denez eta euriaren arriskua aurreikusirik, epaileek,
egun guztirako prestatutako egitaraua, goizean hasi eta jarraian osatzea
erabaki zuten. Gainera, lehenago bukatze arren, juniorrak eta elite mailakoak,
tropelean egiten diren probak batera lehiatzea oniritzi zuten.
Lehenengo
hiru probak lehiatu ondoren, 200M, puntuaketa eta banakako jazarpena,
scratcharen txanda iritsi zen. Mutilak nekea sumatzen hasiak zirenean, probaren
erdi aldera, euri tantak egin zuten presentzia eta une horretan Aratz
Olaizolaren erorketa gertatu zen. Epaileek proba geldiarazi zuten eta Aratzek
bertan behera utzi behar izan zuen txapelketa.
Euriak
ez zuen denbora asko iraun, eta egiten zuen beroak ordu erdi batean pista
lehortu zuen, ondorioz lehiaketak aurrera egin zuen eta scratch proba amaitzeko
falta ziren 27 itzuliak osatu zituzten.
Txapelketa
amaitzeko Kilometroko proba falta zela, Jokin Aranburu zarauztarra eta Gorka
Etxabe Aizarnazabaldarra, berdinduta ziren sailkapen orokorreko lehen postuan.
Biak batera lehiatu behar izan zuten proba, Gorka metan eta Jokin kontrametan
hasi zirelarik. Nahiz eta Gorka azkarrago hasi, Jokin Aranburu izan zen lehena
kilometroa osatzen, ondorioz, Euskadiko Pista Txapeldun tituloa bereganatu zuen
bigarren aldiz jarraian, iaz kadete
mailan eta aurten junior mailan.
Pistako
denboraldia amaitzeko, Espainiako Txapelketak dituzte zain Jokin Aranburuk eta
Aratz Olaizolak. Madrilgo Galapagar belodromoan ospatuko dira, abuztuaren
hirugarren astean. Zorte on zarauztar bikoteari.
No hay comentarios:
Publicar un comentario