Elgoibarren zuten
zita oraingoan txirrindulari juniorrek. 92 kilometrorako bideari ekin
zioten, Elgoibartik Mendarora, Maltzagara itzuli eta Arrasatera,
berriz itzuli eta Mutrikutik barrena Kalbarioak igo eta Elgoibarren
amaitzeko.
6-8 lagun inguruko
talde bat aurreratu zen, hauen taldera geroxeago lagun gehiago
iristen joan ziren 23ko taldea osatu eta minutu t'erdiko
pasata izaterainoko aldea izatera iritsiaz. Tartean genituen Oxel eta
Asier.
Egia esan, karrera
osoa izan zen nahiko nahastua, tropelean asko izan baitziren aurreko
taldea harrapatzen saiatu zirenak. Mutriku bidean ordea, batzuk
atzean geldituz joan ziren, tartean gureak, eta, behin kalbariora
bidean, banaka edo talde txikitan
heltzen ziren gora. Azkenean, Limousin izan zen erabateko garaile,
podiumeko postu guztiak bereganatuz.
Gureei dagokienez,
lehen esan bezala, Oxel eta Asier ihesitako taldean ibili ziren. Oxel izan genuen taldeko lehena helmugan. Asierrek hemengo nekeaz gain bezperako BTT-ko jarduna ere bazuen.
Kepa pelotoian txukun igo zen Kalbarion gora, baina jaisterakoan
izterrean kalanbreak sentitu, eta ezinik iritsi zen helmugara. Hirurak
iritsi zien behintzat aurreko asteetan ez bezala.
Sailkapena:
1. Jon
Irisarri Limousin 02:11:51
2. Mikel
Matxinea Limousin 02:12:22
3. Xabier San
Sebastian Limousin 02:12:40
54. Oxel
Zubimendi Zarauztarra 02:16:35
68. Asier
Arana Zarauztarra 02:19:40
69. Kepa
Iribar Zarauztarra 02:19:40
No hay comentarios:
Publicar un comentario